na pahunche hath jis ka zoaf se ta-zist daman tak

na pahuñche haath jis kā zo.af se tā-zīst dāman tak

surāġh-e-ḳhūñ ab is kā mar ke jaa.e ḳhaak gardan tak

sar-o-sāmāñ se haiñ ye be-sar-o-sāmāniyāñ apnī

ki hai josh-e-junūñ merā garebāñ-gīr dāman tak

na kī ġhaflat se qadr-e-dil abas ilzām dilbar par

matā-e-ḳhufta ke jaane ke sau raste haiñ rahzan tak

ye hiila bhī nahīñ kam maut ke aane ko gar aa.e

na aa.e jo ki bālīñ par vo kyā jā.egā madfan tak

kuchh aisā iḳhtilāt aapas se uTThā is zamāne meñ

na qātil aa.e hai mujh tak na jaa.e maut dushman tak

mirī mehnat kā zaa.e.a honā hī to ik qayāmat hai

ki bād-o-barq aafat meñ raheñge mere ḳhirman tak

vafā kī nazr hai merī hī jān-e-hasrat-ālūda

asar kī qadr hai merī hī āh-e-qāfila-zan tak

ġhubār-e-dil kisī Dhab se na qātil kā huā sābit

ki saaf us kī havā kī teġh mujh se mere kushtan tak

maiñ apne hausle se aur vo apne jaame se bāhar

na ḳhanjar kā use khaTkā na yaañ sarfa hai gardan tak

nahīñ hotā rafū chāk-e-garebān-e-fanā hargiz

mañgā.īñ charḳh-e-chārum se agar iisā kī sozan tak

girāñ-jānī chaman meñ bhī nishāna ho ga.ī āḳhir

ki bār-e-dosh-e-gulban hai mirī shāḳh-e-nasheman tak

'qalaq' martā hai aur hotā hai mātam kā ye hañgāma

magar ronā hai is kā tū na aayā bazm-e-shevan tak

na pahunche hath jis ka zoaf se ta-zist daman tak

suragh-e-KHun ab is ka mar ke jae KHak gardan tak

sar-o-saman se hain ye be-sar-o-samaniyan apni

ki hai josh-e-junun mera gareban-gir daman tak

na ki ghaflat se qadr-e-dil abas ilzam dilbar par

mata-e-KHufta ke jaane ke sau raste hain rahzan tak

ye hila bhi nahin kam maut ke aane ko gar aae

na aae jo ki baalin par wo kya jaega madfan tak

kuchh aisa iKHtilat aapas se uTTha is zamane mein

na qatil aae hai mujh tak na jae maut dushman tak

meri mehnat ka zaea hona hi to ek qayamat hai

ki baad-o-barq aafat mein rahenge mere KHirman tak

wafa ki nazr hai meri hi jaan-e-hasrat-aluda

asar ki qadr hai meri hi aah-e-qafila-zan tak

ghubar-e-dil kisi Dhab se na qatil ka hua sabit

ki saf us ki hawa ki tegh mujh se mere kushtan tak

main apne hausle se aur wo apne jame se bahar

na KHanjar ka use khaTka na yan sarfa hai gardan tak

nahin hota rafu chaak-e-gareban-e-fana hargiz

mangain charKH-e-chaarum se agar isa ki sozan tak

giran-jaani chaman mein bhi nishana ho gai aaKHir

ki bar-e-dosh-e-gulban hai meri shaKH-e-nasheman tak

'qalaq' marta hai aur hota hai matam ka ye hangama

magar rona hai is ka tu na aaya bazm-e-shewan tak