na puchh ai nur-e-shama-e-husn parwanon pe kya guzri

na pūchh ai nūr-e-sham.a-e-husn parvānoñ pe kyā guzrī

huā shoa.la-fishāñ jo tū to dīvānoñ pe kyā guzrī

batā.eñ ahl-e-dil duniyā ke īmānoñ pe kyā guzrī

masājid par paḌīñ choTeñ to but-ḳhānoñ pe kyā guzrī

jalānā barq kā to shaġhl thā gar ghar jalā Daale

vo kyoñ ye sochtī duniyā ke ḳhas-ḳhānoñ pe kyā guzrī

batāo to zarā insāniyat ke nām-levāo

ki ḳhud insān ke hāthoñ se insānoñ pe kyā guzrī

nigāhoñ kā vo halkā sā tasādum hai ma.āz-allāh

phir is ke baa'd kyā kahiye ki dīvānoñ pe kyā guzrī

musallam terī tābānī bajā ai sham.a zau terī

magar ye bhī kabhī dekhā ki parvānoñ pe kyā guzrī

dar-e-zindāñ pe vo maġhmūm-o-āzurda se baiThe haiñ

ilāhī ḳhair ho aaj un ke dīvānoñ pe kyā guzrī

duā.eñ mai-kashoñ kī phirtī haiñ bhaTkī huī 'hairat'

ye kyoñ bāb-e-asar hai band mai-ḳhānoñ pe kyā guzrī

na puchh ai nur-e-shama-e-husn parwanon pe kya guzri

hua shoala-fishan jo tu to diwanon pe kya guzri

bataen ahl-e-dil duniya ke imanon pe kya guzri

masajid par paDin choTen to but-KHanon pe kya guzri

jalana barq ka to shaghl tha gar ghar jala Dale

wo kyon ye sochti duniya ke KHas-KHanon pe kya guzri

batao to zara insaniyat ke nam-lewao

ki KHud insan ke hathon se insanon pe kya guzri

nigahon ka wo halka sa tasadum hai maaz-allah

phir is ke ba'd kya kahiye ki diwanon pe kya guzri

musallam teri tabani baja ai shama zau teri

magar ye bhi kabhi dekha ki parwanon pe kya guzri

dar-e-zindan pe wo maghmum-o-azurda se baiThe hain

ilahi KHair ho aaj un ke diwanon pe kya guzri

duaen mai-kashon ki phirti hain bhaTki hui 'hairat'

ye kyon bab-e-asar hai band mai-KHanon pe kya guzri