na puchh martaba-o-shan-e-KHak-dan-e-majaz

na pūchh martaba-o-shān-e-ḳhāk-dān-e-majāz

zamīn-e-arsh se ūñchā hai āsmān-e-majāz

ye ḳhuub jānte haiñ jo haiñ rāz-dān-e-majāz

zabān ahl-e-haqīqat kī hai zabān-e-majāz

hudūd-e-arsh-o-azal marhalāt-e-hashr-o-abad

haiñ sab ye silsila-e-sharh-e-dāstān-e-majāz

ye raaz ahl-e-ḳhirad se magar nahīñ maḳhfī

ki ḳhud zabān-e-haqīqat hai tarjumān-e-majāz

nigāh ahl-e-nazar kī bhī ho ga.ī majbūr

hazār parda-e-hairat haiñ darmiyān-e-majāz

vajūd kyā ki 'adam kā bhī e'tibār nahīñ

kahāñ rukegā ḳhudā jaane kārvān-e-majāz

rumūz-e-ḳhās yahāñ tak hue haiñ faash ki ab

haqīqatoñ pe bhī aksar ko hai gumān-e-majāz

na puchh martaba-o-shan-e-KHak-dan-e-majaz

zamin-e-arsh se uncha hai aasman-e-majaz

ye KHub jaante hain jo hain raaz-dan-e-majaz

zaban ahl-e-haqiqat ki hai zaban-e-majaz

hudud-e-arsh-o-azal marhalat-e-hashr-o-abad

hain sab ye silsila-e-sharh-e-dastan-e-majaz

ye raaz ahl-e-KHirad se magar nahin maKHfi

ki KHud zaban-e-haqiqat hai tarjuman-e-majaz

nigah ahl-e-nazar ki bhi ho gai majbur

hazar parda-e-hairat hain darmiyan-e-majaz

wajud kya ki 'adam ka bhi e'tibar nahin

kahan rukega KHuda jaane karwan-e-majaz

rumuz-e-KHas yahan tak hue hain fash ki ab

haqiqaton pe bhi aksar ko hai guman-e-majaz