na puchho dosto main kis tarah hansta hansata hun
na puchho dosto main kis tarah hansta hansata hun
Intizar Ghazipuri
MORE BYIntizar Ghazipuri
na pūchho dosto maiñ kis tarah hañstā hañsātā huuñ
tavajjoh yaad rakhtā huuñ taġhāful bhuul jaatā huuñ
mujhe to yaad hai maiñ aaj tak bhūlā nahīñ tujh ko
batā bhūle se tujh ko bhī kabhī maiñ yaad aatā huuñ
agar maazī bhulā baiThe to apnā haal kyā hogā
kahānī raat bhar ahl-e-chaman ko maiñ sunātā huuñ
ye kyā kam hai ki mere dil meñ pinhāñ daulat-e-ġham hai
maiñ aksar apnī palkoñ ko sitāroñ se sajātā huuñ
dil-e-vahshat-zada kā 'intizār' ab to ye aalam hai
ki ḳhud apnā nasheman apne hāthoñ se jalātā huuñ
na puchho dosto main kis tarah hansta hansata hun
tawajjoh yaad rakhta hun taghaful bhul jata hun
mujhe to yaad hai main aaj tak bhula nahin tujh ko
bata bhule se tujh ko bhi kabhi main yaad aata hun
agar mazi bhula baiThe to apna haal kya hoga
kahani raat bhar ahl-e-chaman ko main sunata hun
ye kya kam hai ki mere dil mein pinhan daulat-e-gham hai
main aksar apni palkon ko sitaron se sajata hun
dil-e-wahshat-zada ka 'intizar' ab to ye aalam hai
ki KHud apna nasheman apne hathon se jalata hun
- Book : Ghazals Dushyant Ke Baad (Pg. 67)
- Author : Dixit Dankauri
- Publication : Vani Prakashan (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
