na ras aai hum ko jawani hamari

na raas aa.ī ham ko javānī hamārī

kaTe kyā baras zindagānī hamārī

adū kī shab-e-vasl sau baar sadqe

shab-e-ġham hai kitnī suhānī hamārī

daġhā de rahe haiñ dam-e-naza.a tum ko

ye hai vaqt-e-ruḳhsat nishānī hamārī

kiye maiñ ne shikve to vo hañs ke bole

adū par bhī hai mehrbānī hamārī

unhīñ ne to dīvāna ham ko banāyā

vahī ab kareñ pāsbānī hamārī

ye saaqī ne sāġhar meñ kyā chiiz de dī

ki tauba huī paanī paanī hamārī

satāte haiñ ham bhī hasīnoñ ko kyā kyā

satātī hai ham ko javānī hamārī

lagī thī jo mai muñh se bhar tauba kyuuñ kī

huī talḳh kyā zindagānī hamārī

kiyā jhuuT va.ada kareñ ham jo tujh se

tire kaam aa.e javānī hamārī

bahut be-asar tum use jānte the

zabānoñ par ab hai kahānī hamārī

qafas dast-e-sayyād meñ ham qafas meñ

ye kaam aa.ī hai ḳhush-bayānī hamārī

'riyāz' aap ham qadr-dāñ apne nikle

kisī ne na kī qadrdānī hamārī

na ras aai hum ko jawani hamari

kaTe kya baras zindagani hamari

adu ki shab-e-wasl sau bar sadqe

shab-e-gham hai kitni suhani hamari

dagha de rahe hain dam-e-naza tum ko

ye hai waqt-e-ruKHsat nishani hamari

kiye main ne shikwe to wo hans ke bole

adu par bhi hai mehrbani hamari

unhin ne to diwana hum ko banaya

wahi ab karen pasbani hamari

ye saqi ne saghar mein kya chiz de di

ki tauba hui pani pani hamari

satate hain hum bhi hasinon ko kya kya

satati hai hum ko jawani hamari

lagi thi jo mai munh se bhar tauba kyun ki

hui talKH kya zindagani hamari

kiya jhuT wada karen hum jo tujh se

tere kaam aae jawani hamari

bahut be-asar tum use jaante the

zabanon par ab hai kahani hamari

qafas dast-e-sayyaad mein hum qafas mein

ye kaam aai hai KHush-bayani hamari

'riyaz' aap hum qadr-dan apne nikle

kisi ne na ki qadrdani hamari