na rah-rau na manzil na rasta hua

na rah-rau na manzil na rasta huā

ye jiinā bhī kyā ḳhaak jiinā huā

huā thā zarā ranj-e-ġhurbat mujhe

ma.an meherbāñ ek kāñTā huā

jo socho to har shaḳhs hai niiñd meñ

jo dekho to har shaḳhs jaagā huā

simaT kar jiyūñgā to mar jā.ūñgā

mujhe yūñhī rahne do bikhrā huā

mujhe chheḌ kar log pachhtā.eñge

maiñ be-jām-o-bāda huuñ Duubā huā

mire qātiloñ kī vafā dekhiye

merī yaad meñ raat jalsa huā

mirā aur us kā taqābul kahāñ

vo dariyā maiñ tūfān Thahrā huā

kahāñ tak sameTegī duniyā mujhe

na jaane kahāñ tak huuñ phailā huā

tumhīñ baḌh ke 'zebā' ik āvāz do

zamāne ko so.e zamāna huā

na rah-rau na manzil na rasta hua

ye jina bhi kya KHak jina hua

hua tha zara ranj-e-ghurbat mujhe

man meherban ek kanTa hua

jo socho to har shaKHs hai nind mein

jo dekho to har shaKHs jaga hua

simaT kar jiyunga to mar jaunga

mujhe yunhi rahne do bikhra hua

mujhe chheD kar log pachhtaenge

main be-jam-o-baada hun Duba hua

mere qatilon ki wafa dekhiye

meri yaad mein raat jalsa hua

mera aur us ka taqabul kahan

wo dariya main tufan Thahra hua

kahan tak sameTegi duniya mujhe

na jaane kahan tak hun phaila hua

tumhin baDh ke 'zeba' ek aawaz do

zamane ko soe zamana hua