na rahbari ka koi silsila nazar aae

na rahbarī kā koī silsila nazar aa.e

chalo vo raah jo be-naqsh-e-pā nazar aa.e

uḌā ga.e haiñ bahut dhuul jaane vaale log

chhaTe ġhubār to kuchh rāsta nazar aa.e

bas ek lams kā ehsās kar gayā bechain

mahak hī terī na dast-e-havā nazar aa.e

nigāh chāhiye bas ahl-e-dil faqīroñ kī

burā bhī dekhūñ to mujh ko bhalā nazar aa.e

hameñ ye sharm ki ham se to bandagī na huī

vo chāhtā hai ki misl-e-ḳhudā nazar aa.e

jo apne aap se aage na dekh saktā ho

hamārā haal bhalā us ko kyā nazar aa.e

qusūr-vār na ho kar bhī tum miTāo use

'anīs' yaar koī jab ḳhafā nazar aa.e

na rahbari ka koi silsila nazar aae

chalo wo rah jo be-naqsh-e-pa nazar aae

uDa gae hain bahut dhul jaane wale log

chhaTe ghubar to kuchh rasta nazar aae

bas ek lams ka ehsas kar gaya bechain

mahak hi teri na dast-e-hawa nazar aae

nigah chahiye bas ahl-e-dil faqiron ki

bura bhi dekhun to mujh ko bhala nazar aae

hamein ye sharm ki hum se to bandagi na hui

wo chahta hai ki misl-e-KHuda nazar aae

jo apne aap se aage na dekh sakta ho

hamara haal bhala us ko kya nazar aae

qusur-war na ho kar bhi tum miTao use

'anis' yar koi jab KHafa nazar aae