نہ رکھ رکھاؤ سجاوٹ نہ دل ربائی ہے

نہ رکھ رکھاؤ سجاوٹ نہ دل ربائی ہے

یہ کس طرح کی ہوائے غزل سرائی ہے

حویلیوں کے کھنڈر داستاں بھی رکھتے ہیں

یہ اگلے دور کا انداز پیشوائی ہے

کہاں کا شوق کہاں کوئی انتہائے شوق

بس انتظار میں اک زندگی بتائی ہے

ہر ایک پھول کو چھو کر گئی ہے باد صبا

کہ اس نے آگ سی گلشن میں پھر لگائی ہے

کسی نے پوچھ لیا تھا ہمارا حال دل

پھر اس کے بعد کہاں خود کی یاد آئی ہے

ہمارے خواب ہمیں زندگی دکھاتے ہیں

کہ اپنی نیند ستاروں سی جھلملائی ہے

اب اس کا نام بھی لینا محال ہے ببیاکؔ

شدید چوٹ کلیجے پہ جب سے کھائی ہے