na rakh-rakhaw sajawaT na dilrubai hai

na rakh-rakhāv sajāvaT na dilrubā.ī hai

ye kis tarah kī havā-e-ġhazal-sarā.ī hai

haveliyoñ ke khañDar dāstāñ bhī rakhte haiñ

ye agle daur kā andāz-e-peshvā.ī hai

kahāñ kā shauq kahāñ koī intihā-e-shauq

bas intizār meñ ik zindagī bitā.ī hai

har ek phuul ko chhū kar ga.ī hai bād-e-sabā

ki us ne aag sī gulshan meñ phir lagā.ī hai

kisī ne pūchh liyā thā hamārā hāl-e-dil

phir us ke baa'd kahāñ ḳhud kī yaad aa.ī hai

hamāre ḳhvāb hameñ zindagī dikhāte haiñ

ki apnī niiñd sitāroñ sī jhilmilā.ī hai

ab us kā naam bhī lenā muhāl hai 'bebāk'

shadīd choT kaleje pe jab se khaa.ī hai

na rakh-rakhaw sajawaT na dilrubai hai

ye kis tarah ki hawa-e-ghazal-sarai hai

haweliyon ke khanDar dastan bhi rakhte hain

ye agle daur ka andaz-e-peshwai hai

kahan ka shauq kahan koi intiha-e-shauq

bas intizar mein ek zindagi bitai hai

har ek phul ko chhu kar gai hai baad-e-saba

ki us ne aag si gulshan mein phir lagai hai

kisi ne puchh liya tha hamara haal-e-dil

phir us ke ba'd kahan KHud ki yaad aai hai

hamare KHwab hamein zindagi dikhate hain

ki apni nind sitaron si jhilmilai hai

ab us ka nam bhi lena muhaal hai 'bebak'

shadid choT kaleje pe jab se khai hai