نہ رو کے آنکھیں لال کر خیال کر

نہ رو کے آنکھیں لال کر خیال کر

گلہ نہ اب ملال کر خیال کر

ہیں زندگی میں مشکلیں تو حل بھی ہیں

نہ خود کو یوں نڈھال کر خیال کر

یہاں بس ایک تو نہیں شکستہ دل

نہ اس قدر وبال کر خیال کر

یہ کہتے ہیں کہ زندگی بھی جشن ہے

تو رقص کر دھمال کر خیال کر

جو مبتلا ہیں عشق میں کمال ہیں

سو تو بھی یہ کمال کر خیال کر

سوال کا جواب دے مرے اگر

سوال ہے سوال کر خیال کر

اگر کوئی گلہ ہے مجھ سے بول دے

پہ رابطہ بحال کر خیال کر

تجھی سے میری ہر خوشی ہے جان جاں

خیال کر خیال کر خیال کر