na ro ke aankhen lal kar KHayal kar

na ro ke āñkheñ laal kar ḳhayāl kar

gila na ab malāl kar ḳhayāl kar

haiñ zindagī meñ mushkileñ to hal bhī haiñ

na ḳhud ko yuuñ nidhāl kar ḳhayāl kar

yahāñ bas ek tū nahīñ shikasta dil

na is qadar vabāl kar ḳhayāl kar

ye kahte haiñ ki zindagī bhī jashn hai

tū raqs kar dhamāl kar ḳhayāl kar

jo mubtalā haiñ 'ishq meñ kamāl haiñ

so tū bhī ye kamāl kar ḳhayāl kar

savāl kā javāb de mire agar

savāl hai savāl kar ḳhayāl kar

agar koī gila hai mujh se bol de

pa rābta bahāl kar ḳhayāl kar

tujhī se merī har ḳhushī hai jān-e-jāñ

ḳhayāl kar ḳhayāl kar ḳhayāl kar

na ro ke aankhen lal kar KHayal kar

gila na ab malal kar KHayal kar

hain zindagi mein mushkilen to hal bhi hain

na KHud ko yun nidhaal kar KHayal kar

yahan bas ek tu nahin shikasta dil

na is qadar wabaal kar KHayal kar

ye kahte hain ki zindagi bhi jashn hai

tu raqs kar dhamal kar KHayal kar

jo mubtala hain 'ishq mein kamal hain

so tu bhi ye kamal kar KHayal kar

sawal ka jawab de mere agar

sawal hai sawal kar KHayal kar

agar koi gila hai mujh se bol de

pa rabta bahaal kar KHayal kar

tujhi se meri har KHushi hai jaan-e-jaan

KHayal kar KHayal kar KHayal kar