na sahi aish, guzara hi sahi

na sahī aish, guzārā hī sahī

ya.anī gar tū nahīñ duniyā hī sahī

chhoḌiye kuchh to mirā bhī mujh meñ

ḳhuun kā āḳhirī qatra hī sahī

ġhaur to kiije mirī bātoñ par

umr meñ aap se chhoTā hī sahī

rañj ham ne bhī judā paa.e haiñ

aap yaktā haiñ to yaktā hī sahī

maiñ burā huuñ to huuñ ab kyā kiije

koī achchhā hai to achchhā hī sahī

kis ko siine se lagā.ūñ tire ba.ad

jaate jaate koī dhoka hī sahī

kar kuchh aisā ki tujhe yaad rakhūñ

bhuul jaane kā taqāzā hī sahī

tum pe kab rok thī chalte jaate

merī sochoñ pe to pahra hī sahī

vo kisī taur na hogā merā

chalo aisā hai to aisā hī sahī

surḳh karne lagī har shai 'javvād'

yaad kā rañg sunahrā hī sahī

na sahi aish, guzara hi sahi

yani gar tu nahin duniya hi sahi

chhoDiye kuchh to mera bhi mujh mein

KHun ka aaKHiri qatra hi sahi

ghaur to kije meri baaton par

umr mein aap se chhoTa hi sahi

ranj hum ne bhi juda pae hain

aap yakta hain to yakta hi sahi

main bura hun to hun ab kya kije

koi achchha hai to achchha hi sahi

kis ko sine se lagaun tere baad

jate jate koi dhoka hi sahi

kar kuchh aisa ki tujhe yaad rakhun

bhul jaane ka taqaza hi sahi

tum pe kab rok thi chalte jate

meri sochon pe to pahra hi sahi

wo kisi taur na hoga mera

chalo aisa hai to aisa hi sahi

surKH karne lagi har shai 'jawwad'

yaad ka rang sunahra hi sahi