na sayyad mein na mirza mein na ansari mein rakkhi hai

na sayyad meñ na mirzā meñ na ansārī meñ rakkhī hai

bashar kī shaḳhsiyat us kī samajhdārī meñ rakkhī hai

maiñ ghar aa kar zamāne kī thakan sab bhuul jaatā huuñ

ajab rāhat mirī bachchī kī kilkārī meñ rakkhī hai

kabhī ġhairoñ pe unglī mat uThā ai rahbarān-e-mulk

tabāhī desh kī apnoñ kī ġhaddārī meñ rakkhī hai

ġharībī kā gila karke tū apnī qadr mat khonā

baqā-e-azmat-e-nādār ḳhuddārī meñ rakkhī hai

badan jal jā.egā 'maz.har' inheñ chhūne kī hasrat meñ

ġhazab kī aag in phūloñ kī chingārī meñ rakhī hai

na sayyad mein na mirza mein na ansari mein rakkhi hai

bashar ki shaKHsiyat us ki samajhdari mein rakkhi hai

main ghar aa kar zamane ki thakan sab bhul jata hun

ajab rahat meri bachchi ki kilkari mein rakkhi hai

kabhi ghairon pe ungli mat uTha ai rahbaran-e-mulk

tabahi desh ki apnon ki ghaddari mein rakkhi hai

gharibi ka gila karke tu apni qadr mat khona

baqa-e-azmat-e-nadar KHuddari mein rakkhi hai

badan jal jaega 'mazhar' inhen chhune ki hasrat mein

ghazab ki aag in phulon ki chingari mein rakhi hai