na sham-e-gham na subh-e-moatabar hun

na shām-e-ġham na sub.h-e-mo'atabar huuñ

tamāshā-e-jamāl-e-dīda-var huuñ

koī rut ho vahī be-barg-o-bārī

zamīñ par ek be-mausam shajar huuñ

kahīñ ik lamha-e-guzrāñ kā saaya

kahīñ ā.inda sadiyoñ kā safar huuñ

huuñ harf-e-nā-shunīda be-suḳhan ko

shu.ūr-e-dīda-e-ahl-e-nazar huuñ

kabhī dil kā kabhī duniyā kā mātam

maiñ apnī zaat meñ ik chashm-e-tar huuñ

na ham-sāya koī apnā na darbāñ

makāñ huuñ aur be-dīvār-o-dar huuñ

na sham-e-gham na subh-e-mo'atabar hun

tamasha-e-jamal-e-dida-war hun

koi rut ho wahi be-barg-o-bari

zamin par ek be-mausam shajar hun

kahin ek lamha-e-guzran ka saya

kahin aainda sadiyon ka safar hun

hun harf-e-na-shunida be-suKHan ko

shuur-e-dida-e-ahl-e-nazar hun

kabhi dil ka kabhi duniya ka matam

main apni zat mein ek chashm-e-tar hun

na ham-saya koi apna na darban

makan hun aur be-diwar-o-dar hun