na suni par na suni usne dil-e-zar ki arz

na sunī par na sunī us ne dil-e-zār kī arz

kaun suntā hai bhalā aise gunahgār kī arz

chalo āhista ki hotī hai qayāmat barpā

fitna-e-hashr ne ye us se ka.ī baar kī arz

jumbish-e-lab hai dam-e-naz.a ye kuchh kahtā hai

sun to lo apne zarā mā.il-e-guftār kī arz

zikr-e-aġhyār se chhiḌkā kiye zaḳhmoñ pe namak

dam-e-kushtan na sunī kushta-e-talvār kī arz

mad.h-ḳhvāñ āl-e-ebā kā maiñ rahūñ ai 'tanvīr'

hai ye ḳhidmat meñ janāb-e-sah-e-abrār kī arz

na suni par na suni us ne dil-e-zar ki arz

kaun sunta hai bhala aise gunahgar ki arz

chalo aahista ki hoti hai qayamat barpa

fitna-e-hashr ne ye us se kai bar ki arz

jumbish-e-lab hai dam-e-naza ye kuchh kahta hai

sun to lo apne zara mail-e-guftar ki arz

zikr-e-aghyar se chhiDka kiye zaKHmon pe namak

dam-e-kushtan na suni kushta-e-talwar ki arz

madh-KHwan aal-e-eba ka main rahun ai 'tanwir'

hai ye KHidmat mein janab-e-sah-e-abrar ki arz