na tahriri shawahid na zabani

na tahrīrī shavāhid na zabānī

bhalā kis kaam kī aisī javānī

ye jitnī ne.amateñ dī haiñ ḳhudā ne

ye parcha hai hamārā imtihānī

kabhī vo bhī the is duniyā kī raunaq

vo sab jo ho ga.e haiñ āñ-jahānī

hameñ thā ishtiyāq-e-vasl lekin

hamāre shauq se un ko girānī

ye kyā zehnoñ pe karte ho hukūmat

karo dil par kisī ke hukmarānī

udhar kirdār par taarī kuhūlat

magar bātoñ meñ shiddat kī ravānī

mohabbat pesh-qadmī chāhtī hai

kabhī tum bhī mire ghar aao jaanī

muqābil fauj tūfānoñ kī 'āqib'

idhar kashtī hamārī bādbānī

na tahriri shawahid na zabani

bhala kis kaam ki aisi jawani

ye jitni neamaten di hain KHuda ne

ye parcha hai hamara imtihani

kabhi wo bhi the is duniya ki raunaq

wo sab jo ho gae hain aan-jahani

hamein tha ishtiyaq-e-wasl lekin

hamare shauq se un ko girani

ye kya zehnon pe karte ho hukumat

karo dil par kisi ke hukmarani

udhar kirdar par tari kuhulat

magar baaton mein shiddat ki rawani

mohabbat pesh-qadmi chahti hai

kabhi tum bhi mere ghar aao jaani

muqabil fauj tufanon ki 'aqib'

idhar kashti hamari baadbani