na tesha humne dekha hai na ju-e-shir dekhi hai

na tesha ham ne dekhā hai na jū-e-shīr dekhī hai

magar haañ kuchh to jazb-e-ishq meñ tāsīr dekhī hai

har ik shai meñ nazar aane lagī hai aap kī sūrat

na jaane kis nazar se aap kī tasvīr dekhī hai

kahāñ se lā.egā vo qais-o-lailā kā bharam ai dil

ye maanā tū ne husn-o-ishq kī tasvīr dekhī hai

palaT jā.egī ḳhud zor-e-qayāmat apnā dikhlā kar

agar barq-e-tapāñ ne hammat-e-ta.amīr dekhī hai

hamārī ḳhāk-e-marqad har taraf gulshan meñ bikhrā do

ki ham ne dil-jaloñ kī ḳhaak meñ iksīr dekhī hai

sitam-dīda nigāheñ kah rahī haiñ vāhima hogā

jo maiñ ne ik shagufta ḳhvāb kī ta.abīr dekhī hai

na jaane āj-kal kyā ho gayā hai 'asr' ko hamdam

guzārish jo bhī hotī hai bahut dil-gīr dekhī hai

na tesha hum ne dekha hai na ju-e-shir dekhi hai

magar han kuchh to jazb-e-ishq mein tasir dekhi hai

har ek shai mein nazar aane lagi hai aap ki surat

na jaane kis nazar se aap ki taswir dekhi hai

kahan se laega wo qais-o-laila ka bharam ai dil

ye mana tu ne husn-o-ishq ki taswir dekhi hai

palaT jaegi KHud zor-e-qayamat apna dikhla kar

agar barq-e-tapan ne hammat-e-tamir dekhi hai

hamari KHak-e-marqad har taraf gulshan mein bikhra do

ki hum ne dil-jalon ki KHak mein iksir dekhi hai

sitam-dida nigahen kah rahi hain wahima hoga

jo main ne ek shagufta KHwab ki tabir dekhi hai

na jaane aaj-kal kya ho gaya hai 'asr' ko hamdam

guzarish jo bhi hoti hai bahut dil-gir dekhi hai