na thi did ki mujhko tab awwal awwal

na thī diid kī mujh ko taab avval avval

ġhazab thā kisī kā shabāb avval avval

kise tāb-e-nazzāra apne sivā thī

hue the vo jab be-naqāb avval avval

hameñ sab ne rāh-e-mohabbat meñ chhoḌā

jo the ham-safar ham-rikāb avval avval

muqaddar usī kā hai qismat usī kī

jo ho ishq meñ kāmyāb avval avval

ye qismat hamārī hai ai māh-e-ḳhūbī

hue diid se faizyāb avval avval

'zuhūr' aa.e duniyā meñ jab mulk-e-jāñ se

rahe ḳhuub ḳhāna-ḳharāb avval avval

na thi did ki mujh ko tab awwal awwal

ghazab tha kisi ka shabab awwal awwal

kise tab-e-nazzara apne siwa thi

hue the wo jab be-naqab awwal awwal

hamein sab ne rah-e-mohabbat mein chhoDa

jo the ham-safar ham-rikab awwal awwal

muqaddar usi ka hai qismat usi ki

jo ho ishq mein kaamyab awwal awwal

ye qismat hamari hai ai mah-e-KHubi

hue did se faizyab awwal awwal

'zuhur' aae duniya mein jab mulk-e-jaan se

rahe KHub KHana-KHarab awwal awwal