نہ تھی ہرگز مری پرواہ دل کو

نہ تھی ہرگز مری پرواہ دل کو

ملی مجھ سے نہ تھی تنخواہ دل کو

پھسل کر سر اب اپنا دھن رہا ہے

کیا میں نے تو تھا آگاہ دل کو

ان آنکھوں کو تو کوئی بھی دکھا دے

دکھائے کون لیکن راہ دل کو

بکھر کر جب ہوا ناکام خود ہی

محبت کی ملی تب تھاہ دل کو

نہ ہوتا دل کا میرے شعر خارج

تری ملتی اگر اصلاح دل کو

زمانے نے مجھے بھٹکا دیا تھا

کیا کس نے مگر گمراہ دل کو

سزا میرے گناہوں کی مجھے دو

نہ دو لیکن سزا للہ دل کو