na tirgi ke liye hain na raushni ke liye
na tirgi ke liye hain na raushni ke liye
Maya Khanna Raje Barelvi
MORE BYMaya Khanna Raje Barelvi
na tīrgī ke liye haiñ na raushnī ke liye
shab-o-sahar ke taqāze haiñ bandagī ke liye
hamārā ḳhuun bhī hāzir hai ai ḳhirad-mando
tumhāre daur kī be-kaif zindagī ke liye
savād-e-shām to hai aam bazm-e-fitrat meñ
magar tulū-e-sahar hai kisī kisī ke liye
rah-e-talab meñ añdheroñ ko kosne vaalo
kisī ne dil bhī jalāyā hai raushnī ke liye
kuchh aa.ine bhī tirī anjuman meñ TuuTe haiñ
tire laboñ ke tabassum tirī ḳhushī ke liye
faqīh-e-shahr se merā salām kah denā
ki zindagī bhī ibādat hai zindagī ke liye
ridā-e-bint-e-inab ban ga.ī bisāt-e-nujūb
ye ehtimām hai 'rāje' kis aadmī ke liye
na tirgi ke liye hain na raushni ke liye
shab-o-sahar ke taqaze hain bandagi ke liye
hamara KHun bhi hazir hai ai KHirad-mando
tumhaare daur ki be-kaif zindagi ke liye
sawad-e-sham to hai aam bazm-e-fitrat mein
magar tulu-e-sahar hai kisi kisi ke liye
rah-e-talab mein andheron ko kosne walo
kisi ne dil bhi jalaya hai raushni ke liye
kuchh aaine bhi teri anjuman mein TuTe hain
tere labon ke tabassum teri KHushi ke liye
faqih-e-shahr se mera salam kah dena
ki zindagi bhi ibaadat hai zindagi ke liye
rida-e-bint-e-inab ban gai bisat-e-nujub
ye ehtimam hai 'raje' kis aadmi ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
