na to gundh hun kisi phul ki na hi phul hun kisi bagh ka

na to gundh huuñ kisī phuul kī na hī phuul huuñ kisī baaġh kā

kisī aañkh ko jo na bhā sakā vo ujaaḌ huuñ kisī raaġh kā

mire ashk se mire dard se nahīñ vāsta hai jahān ko

na to ashk huuñ kisī 'mīr' kā na hī dard huuñ kisī 'dāġh' kā

jo jalā kare to jalā kare jo bujhā rahe to bujhā rahe

kisī aur ko na sunā.ī de vahī dard huuñ maiñ charāġh kā

na to yaad huuñ koī pur-kashish na hī ḳhvāb huuñ koī ḳhushnumā

dil-e-shād ko jo kare dukhī vo ḳhayāl huuñ maiñ dimāġh kā

na to pyaas huuñ maiñ sharāb kī na hī ghūñT huuñ maiñ sharāb kā

bujhī pyaas jo na jagā sake vahī ghūñT huuñ maiñ ayāġh kā

na to gundh hun kisi phul ki na hi phul hun kisi bagh ka

kisi aankh ko jo na bha saka wo ujaD hun kisi ragh ka

mere ashk se mere dard se nahin wasta hai jahan ko

na to ashk hun kisi 'mir' ka na hi dard hun kisi 'dagh' ka

jo jala kare to jala kare jo bujha rahe to bujha rahe

kisi aur ko na sunai de wahi dard hun main charagh ka

na to yaad hun koi pur-kashish na hi KHwab hun koi KHushnuma

dil-e-shad ko jo kare dukhi wo KHayal hun main dimagh ka

na to pyas hun main sharab ki na hi ghunT hun main sharab ka

bujhi pyas jo na jaga sake wahi ghunT hun main ayagh ka