na to hum bahr se waqif na suKHan jaante hain

na to ham bahr se vāqif na suḳhan jānte haiñ

kaise deñ lafzoñ ko tartīb ye fan jānte haiñ

vo kisī taur bhī tujh ko na lagā.eñge gale

ai ḳhushī jo bhī tirā chāl-chalan jānte haiñ

dil ke mandir meñ haiñ do ek pujārī aise

jo na puujā na ibādat na bhajan jānte haiñ

is liye thaam ke rakkhā hai junūñ kā dāman

ai ḳhirad ham tirā dīvāliya-pan jānte haiñ

jo mohabbat ke haiñ alfāz mire hoñToñ par

vo ta.assub kā tire chīr-haran jānte haiñ

paañv phailāte haiñ itnā ki hai jitnī chādar

apnī auqāt hai kyā ḳhuub apan jānte haiñ

na to hum bahr se waqif na suKHan jaante hain

kaise den lafzon ko tartib ye fan jaante hain

wo kisi taur bhi tujh ko na lagaenge gale

ai KHushi jo bhi tera chaal-chalan jaante hain

dil ke mandir mein hain do ek pujari aise

jo na puja na ibaadat na bhajan jaante hain

is liye tham ke rakkha hai junun ka daman

ai KHirad hum tera diwaliya-pan jaante hain

jo mohabbat ke hain alfaz mere honTon par

wo tassub ka tere chir-haran jaante hain

panw phailate hain itna ki hai jitni chadar

apni auqat hai kya KHub apan jaante hain