نہ تم پیش آنا کبھی بے رخی سے

نہ تم پیش آنا کبھی بے رخی سے

ملاقات ہو گر کہیں زندگی سے

یقیں گر نہ کرتے تو کرتے بھی کیا ہم

کہا جھوٹ اس نے بڑی سادگی سے

یہ سایہ تو نفرت کی دیوار کا ہے

بدل جائے گا ایک دن تیرگی سے

ہے رنگین ہو کر بھی غمگین کتنی

گزشتہ صدی نے کہا اس صدی سے

ٹھہر جا ادھورا ہے خوابوں کا میلہ

مجھے اے صبا تو جگا مت ابھی سے

گو منزل تو کب سے مری منتظر ہے

مجھے عشق لیکن ہے آوارگی سے

فرازؔ اب بتا دے ترے دل میں کیا ہے

کہ ڈر لگ رہا ہے تری خامشی سے