na tum pesh aana kabhi be-ruKHi se
na tum pesh aanā kabhī be-ruḳhī se
mulāqāt ho gar kahīñ zindagī se
yaqīñ gar na karte to karte bhī kyā ham
kahā jhuuT us ne baḌī sādgī se
ye saaya to nafrat kī dīvār kā hai
badal jā.egā ek din tīrgī se
hai rangīn ho kar bhī ġhamgīn kitnī
guzishta sadī ne kahā is sadī se
Thahar jā adhūrā hai ḳhvāboñ kā mela
mujhe ai sabā tū jagā mat abhī se
go manzil to kab se mirī muntazir hai
mujhe 'ishq lekin hai āvārgī se
'farāz' ab batā de tire dil meñ kyā hai
ki Dar lag rahā hai tirī ḳhāmushī se
na tum pesh aana kabhi be-ruKHi se
mulaqat ho gar kahin zindagi se
yaqin gar na karte to karte bhi kya hum
kaha jhuT us ne baDi sadgi se
ye saya to nafrat ki diwar ka hai
badal jaega ek din tirgi se
hai rangin ho kar bhi ghamgin kitni
guzishta sadi ne kaha is sadi se
Thahar ja adhura hai KHwabon ka mela
mujhe ai saba tu jaga mat abhi se
go manzil to kab se meri muntazir hai
mujhe 'ishq lekin hai aawargi se
'faraaz' ab bata de tere dil mein kya hai
ki Dar lag raha hai teri KHamushi se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
