na tumhaara husn jawan raha na hamara ishq jawan raha

na tumhārā husn javāñ rahā na hamārā 'ishq javāñ rahā

na vo tum rahe na vo ham rahe jo rahā to ġham kā samāñ rahā

na vo baaġh haiñ na ghaTā.eñ haiñ na vo phuul haiñ na fazā.eñ haiñ

na vo nik.hateñ na havā.eñ haiñ na vo be-ḳhudī kā samāñ rahā

na vo dil hai ab na javāniyāñ na vo 'āshiqī kī kahāniyāñ

na vo ġham na ashk-fishāniyāñ na vo dard-e-dil kā nishāñ rahā

na chaman hai vo na bahār hai na vo bulbuleñ na hazār hai

yahī chār-samt pukār hai na vo rut hai ab na samāñ rahā

na vo 'umr hai na masarrateñ na vo 'aish hai na vo ishrateñ

na vo ārzūeñ na hasrateñ na ḳhushī kā nām-o-nishāñ rahā

na nishāñ hai sāqī-o-jām kā na vo bāda-hā-e-chaman-adā

na muġhanniya rahī mahv-e-sāz na saaz mast-e-fuġhāñ rahā

ye bahār-e-gulshan-e-āb-o-gil hai fanā asar to hoñ kyuuñ ḳhajil

vo gul-e-fasurda hai merā dil ki hamesha nazr-e-ḳhizāñ rahā

nahīñ sabr sāqiyā lā bhī de qadah-e-bahār uThā bhī de

abhī sin hai lā ke pilā bhī de ki hamesha kaun javāñ rahā

kahūñ kyā ki rañj-rasīda huuñ maiñ ba-rañg-e-abr ramīda huuñ

nafas-e-shamīm-e-parīda huuñ ki rahā tabāh jahāñ rahā

asar-e-bahār-e-ḳhizāñ asar hai ki hai fasurda mirī nazar

na havā-e-ishrat-e-bāl-o-par na junūn-e-bāġh-e-jināñ rahā

maiñ gul-e-ramīda-e-rañg-o-bū tū bahār-e-mai-kada-e-numū

maiñ hamesha ḳhasta-e-ārzū tū hamesha aish-e-javāñ rahā

na sukūn-e-dil na qarār-e-jāñ na qayām-e-sabr koī zamāñ

ye sarishk-e-ġham kā hai kārvāñ ki yūñhī hamesha ravāñ rahā

tū matā-e-gul-kada-e-nazar gul-e-nau-bahār-e-bahisht-asar

maiñ vo andalīb-e-shikasta par ki hamesha mahv-e-fuġhāñ rahā

na vo soz-o-sāz-e-darūñ hai ab na vo chashm-e-gul-kada-e-gūñ hai ab

na vo sar hai ab na junūñ hai ab na vo zauq-e-sho.ala-chakāñ rahā

hai falak kī badlī huī nazar kaheñ kis se 'aḳhtar'-e-nāla-gar

ki maiñ us ke jaur-e-alam-asar se hamesha mahv-e-fuġhāñ rahā

na tumhaara husn jawan raha na hamara 'ishq jawan raha

na wo tum rahe na wo hum rahe jo raha to gham ka saman raha

na wo bagh hain na ghaTaen hain na wo phul hain na fazaen hain

na wo nikhaten na hawaen hain na wo be-KHudi ka saman raha

na wo dil hai ab na jawaniyan na wo 'ashiqi ki kahaniyan

na wo gham na ashk-fishaniyan na wo dard-e-dil ka nishan raha

na chaman hai wo na bahaar hai na wo bulbulen na hazar hai

yahi chaar-samt pukar hai na wo rut hai ab na saman raha

na wo 'umr hai na masarraten na wo 'aish hai na wo ishraten

na wo aarzuen na hasraten na KHushi ka nam-o-nishan raha

na nishan hai saqi-o-jam ka na wo baada-ha-e-chaman-ada

na mughanniya rahi mahw-e-saz na saz mast-e-fughan raha

ye bahaar-e-gulshan-e-ab-o-gil hai fana asar to hon kyun KHajil

wo gul-e-fasurda hai mera dil ki hamesha nazr-e-KHizan raha

nahin sabr saqiya la bhi de qadah-e-bahaar uTha bhi de

abhi sin hai la ke pila bhi de ki hamesha kaun jawan raha

kahun kya ki ranj-rasida hun main ba-rang-e-abr ramida hun

nafas-e-shamim-e-parida hun ki raha tabah jahan raha

asar-e-bahaar-e-KHizan asar hai ki hai fasurda meri nazar

na hawa-e-ishrat-e-baal-o-par na junun-e-bagh-e-jinan raha

main gul-e-ramida-e-rang-o-bu tu bahaar-e-mai-kada-e-numu

main hamesha KHasta-e-arzu tu hamesha aish-e-jawan raha

na sukun-e-dil na qarar-e-jaan na qayam-e-sabr koi zaman

ye sarishk-e-gham ka hai karwan ki yunhi hamesha rawan raha

tu mata-e-gul-kada-e-nazar gul-e-nau-bahaar-e-bahisht-asar

main wo andalib-e-shikasta par ki hamesha mahw-e-fughan raha

na wo soz-o-saz-e-darun hai ab na wo chashm-e-gul-kada-e-gun hai ab

na wo sar hai ab na junun hai ab na wo zauq-e-shoala-chakan raha

hai falak ki badli hui nazar kahen kis se 'aKHtar'-e-nala-gar

ki main us ke jaur-e-alam-asar se hamesha mahw-e-fughan raha