na un ko KHair se matlab hai aur na shar se gharaz

na un ko ḳhair se matlab hai aur na shar se ġharaz

koī jiye ki mare ranDiyoñ ko zar se ġharaz

baġhair kaam liye maiñ kabhī na mānūñgā

nahīñ hai mujh ko tumhārī hachar-machar se ġharaz

suneñ vo yā na suneñ ye bake hī jaatā hai

raqīb-e-yāva-e-go ko hai apnī Tar se ġharaz

jo haiñ amiir kushāda makāñ haiñ un ko pasand

ġharīb huuñ mujhe rahtī hai tang ghar se ġharaz

raqīb se hai sarokār mujh se matlab kyā

vo ḳhar-dimāġh haiñ un ko hai giidī ḳhar se ġharaz

vo zar bhī khīñchte haiñ zor bhī ghaTāte haiñ

sadā hai un ko 'ināyat' mire zarar se ġharaz

na un ko KHair se matlab hai aur na shar se gharaz

koi jiye ki mare ranDiyon ko zar se gharaz

baghair kaam liye main kabhi na manunga

nahin hai mujh ko tumhaari hachar-machar se gharaz

sunen wo ya na sunen ye bake hi jata hai

raqib-e-yawa-e-go ko hai apni Tar se gharaz

jo hain amir kushada makan hain un ko pasand

gharib hun mujhe rahti hai tang ghar se gharaz

raqib se hai sarokar mujh se matlab kya

wo KHar-dimagh hain un ko hai gidi KHar se gharaz

wo zar bhi khinchte hain zor bhi ghaTate hain

sada hai un ko 'inayat' mere zarar se gharaz