na uski yaad jati hai na us ka gham nikalta hai

na us kī yaad jaatī hai na us kā ġham nikaltā hai

kuchh aisī dil kī hālat hai ki merā dam nikaltā hai

uchhal kar hamsarī kī koshisheñ karte haiñ vo lekin

hamāre qad se un kā qad hamesha kam nikaltā hai

yahāñ chehre haiñ yāroñ ke magar dil dushmanoñ ke haiñ

yahāñ amrit ke pyāle se bhī aksar sam nikaltā hai

tirī chāragarī kī chārāgar hājat nahīñ ham ko

hamāre zaḳhm se hī zaḳhm kā marham nikaltā hai

badan par jitne ghaav the vo saare bhar ga.e lekin

jo dil ke zaḳhm haiñ un se lahū paiham nikaltā hai

ye missile kī duniyā hai na dangal hai na ran koī

laḌā.ī ho to ab ghar se kahāñ rustam nikaltā hai

hasīñ chehroñ kī mahfil meñ dil apnā le ke mat jaao

chamaktī dhuup meñ le kar koī shabnam nikaltā hai

na us ki yaad jati hai na us ka gham nikalta hai

kuchh aisi dil ki haalat hai ki mera dam nikalta hai

uchhal kar hamsari ki koshishen karte hain wo lekin

hamare qad se un ka qad hamesha kam nikalta hai

yahan chehre hain yaron ke magar dil dushmanon ke hain

yahan amrit ke pyale se bhi aksar sam nikalta hai

teri chaaragari ki chaaragar hajat nahin hum ko

hamare zaKHm se hi zaKHm ka marham nikalta hai

badan par jitne ghaw the wo sare bhar gae lekin

jo dil ke zaKHm hain un se lahu paiham nikalta hai

ye missile ki duniya hai na dangal hai na ran koi

laDai ho to ab ghar se kahan rustam nikalta hai

hasin chehron ki mahfil mein dil apna le ke mat jao

chamakti dhup mein le kar koi shabnam nikalta hai