نہ وہ انجم ہے نہ وہ شمس و قمر جیسا ہے

نہ وہ انجم ہے نہ وہ شمس و قمر جیسا ہے

آسماں اس کے لئے راہ گزر جیسا ہے

چور ہو جائے گا ہر قطرۂ شبنم کا غرور

چند لمحوں کے لئے جو کہ گہر جیسا ہے

اب نگاہیں مری رکتی نہیں اس کے رخ پر

میرے محبوب کا ہر عکس بھنور جیسا ہے

قیس رہتا ہے یہاں ہیر بھی لیلیٰ بھی یہاں

دل مرا ایک محبت کے نگر جیسا ہے

اس سلیقے سے وہ چلتا ہے کہ ٹھوکر نہ لگے

ہے تو نا بینا مگر اہل نظر جیسا ہے

اب سبھی امن کی کرتے ہیں دعائیں خوشترؔ

یعنی احساس ادھر کا بھی ادھر جیسا ہے