na ye manzar hai chaman ka na ye ban ki KHushbu

na ye manzar hai chaman kā na ye ban kī ḳhushbū

uf vo ḳhushbū kā badan uf vo badan kī ḳhushbū

us kī āvāz meñ chāñdī ke gajar bajte hue

us ke lahje meñ gulāboñ ke dahan kī ḳhushbū

chain kaise hameñ aa.egā vo jannat hī sahī

uḌ ke pahuñchegī jahāñ ḳhāk-e-vatan kī ḳhushbū

kam junūñ-ḳhez na thī apnī jagah mauj-e-bahār

tujhe paayā to huī aur bhī sankī ḳhushbū

kūcha-dar-kūcha ye āvāra-ḳhirāmī kyā hai

baiTh sohbat meñ kisī nek-chalan kī ḳhushbū

har taraf rang pe kāġhaz ke gulāboñ kī bahār

har taraf raqs meñ pairāhan-e-fan kī ḳhushbū

maar Dālegā shab-e-ġham kā ye joban allāh

chāñdnī se mujhe aatī hai kafan kī ḳhushbū

kyoñ uḌe phirte ho va.ade kī havā meñ 'mas.ūd'

milne vaalī nahīñ us ahd-shikan kī ḳhushbū

na ye manzar hai chaman ka na ye ban ki KHushbu

uf wo KHushbu ka badan uf wo badan ki KHushbu

us ki aawaz mein chandi ke gajar bajte hue

us ke lahje mein gulabon ke dahan ki KHushbu

chain kaise hamein aaega wo jannat hi sahi

uD ke pahunchegi jahan KHak-e-watan ki KHushbu

kam junun-KHez na thi apni jagah mauj-e-bahaar

tujhe paya to hui aur bhi sanki KHushbu

kucha-dar-kucha ye aawara-KHirami kya hai

baiTh sohbat mein kisi nek-chalan ki KHushbu

har taraf rang pe kaghaz ke gulabon ki bahaar

har taraf raqs mein pairahan-e-fan ki KHushbu

mar Dalega shab-e-gham ka ye joban allah

chandni se mujhe aati hai kafan ki KHushbu

kyon uDe phirte ho wade ki hawa mein 'masud'

milne wali nahin us ahd-shikan ki KHushbu