na zamin ke na aasman ke hain

na zamīñ ke na āsmān ke haiñ

ye kisī dūsre jahān ke haiñ

na hī ye dost haiñ na dushman haiñ

ye munāfiq haiñ darmiyān ke haiñ

sīna-e-rabt aur ta'alluq pe

zaḳhm jitne bhī haiñ zabān ke haiñ

jo chalā.e ga.e haiñ merī taraf

tiir ye aur kisī kamān ke haiñ

jitne bhī mas.ale haiñ duniyā meñ

mas.ale saare ān-bān ke haiñ

kyoñ ye nafrat hai ai banī-ādam

jabki ham ek ḳhāndān ke haiñ

ba.ad ḳhāliq har ek insāñ par

jo bhī ehsān haiñ kisān ke haiñ

jitne bhī baaġh haiñ jahāñ meñ 'suhail'

baaġh ye ik hī bāġhbān ke haiñ

na zamin ke na aasman ke hain

ye kisi dusre jahan ke hain

na hi ye dost hain na dushman hain

ye munafiq hain darmiyan ke hain

sina-e-rabt aur ta'alluq pe

zaKHm jitne bhi hain zaban ke hain

jo chalae gae hain meri taraf

tir ye aur kisi kaman ke hain

jitne bhi masale hain duniya mein

masale sare aan-ban ke hain

kyon ye nafrat hai ai bani-adam

jabki hum ek KHandan ke hain

baad KHaliq har ek insan par

jo bhi ehsan hain kisan ke hain

jitne bhi bagh hain jahan mein 'suhail'

bagh ye ek hi baghban ke hain