na zer-e-pa zamin bandho na sar par aasman bandho

na zer-e-pā zamīñ bāñdho na sar par āsmāñ bāñdho

faqat tark-e-tamannā kī diloñ meñ dāstāñ bāñdho

latāfat phir milegī kab hasīñ rangīn shāmoñ kī

isī nuqte pe Thahrā hai yahī dilkash samāñ bāñdho

badaltī kuchh rutoñ par aas hai be-kal manāzir kī

tum apnī lazzat-e-husn-e-nazar ko darmiyāñ bāñdho

badan-bhar ik ta'alluq chuTkiyāñ lene lage shāyad

guzarte ḳhushnumā manzar kā aks-e-shādmāñ bāñdho

jahān-e-shauq kī phir ishrat-e-āvārgī le kar

machaltā dilrubā be-kal surūr-e-jāvedāñ bāñdho

bikhartī dhuul rāhoñ kī machaltī jaa.e rah rah kar

masāfat ke junūñ meñ ye ġhubār-e-kārvāñ bāñdho

latāfat chāhatoñ kī muskurātī hai fazāoñ meñ

vahī chanchal hasīñ dilkash hadīs-e-dostāñ bāñdho

nazar ke zāviyoñ se naap lo ye shauq kī duniyā

koī ummīd ahl-e-husn se kyoñ rā.egāñ bāñdho

na zer-e-pa zamin bandho na sar par aasman bandho

faqat tark-e-tamanna ki dilon mein dastan bandho

latafat phir milegi kab hasin rangin shamon ki

isi nuqte pe Thahra hai yahi dilkash saman bandho

badalti kuchh ruton par aas hai be-kal manazir ki

tum apni lazzat-e-husn-e-nazar ko darmiyan bandho

badan-bhar ek ta'alluq chuTkiyan lene lage shayad

guzarte KHushnuma manzar ka aks-e-shadman bandho

jahan-e-shauq ki phir ishrat-e-awargi le kar

machalta dilruba be-kal surur-e-jawedan bandho

bikharti dhul rahon ki machalti jae rah rah kar

masafat ke junun mein ye ghubar-e-karwan bandho

latafat chahaton ki muskuraati hai fazaon mein

wahi chanchal hasin dilkash hadis-e-dostan bandho

nazar ke zawiyon se nap lo ye shauq ki duniya

koi ummid ahl-e-husn se kyon raegan bandho