نا ذکر گیسوئے پیچاں نا زلف برہم ہے

نا ذکر گیسوئے پیچاں نا زلف برہم ہے

ہمارے غم کا فسانہ بھی کتنا مبہم ہے

ہمارا فقر ازل سے خودی کا محرم ہے

ہمارا بوریا کب تخت شاہ سے کم ہے

دلوں کا حال خدائے کریم ہی جانے

لباس زہد میں ناموس ابن آدم ہے

لہو سفید ہوا کس قدر زمانے کا

جو روئے خون کے آنسو کہا کہ شبنم ہے

کلی کلی پہ ہے روداد گلستاں لکھی

کھلے تو عید ہے مرجھا گئے تو ماتم ہے

حصار ضبط پہ پہرے بٹھائے ہیں میں نے

سمجھ رہا ہے زمانہ کہ آنکھ پر نم ہے

ظہورؔ سایۂ استاد محترم نہ سہی

غزل کہی جو یہ فیض او جگر سے کیا کم ہے