na-qabil-e-yaqin tha agarche shurua mein

nā-qābil-e-yaqīñ thā agarche shurūa meñ

sūraj magar ġhurūb huā thā tulūa meñ

mullā ko de diyā hai namāzoñ kā baaqī kaam

ḳhud ko lagā liyā hai ḳhushū-o-ḳhuzūa meñ

sirf ek chehra ek hī naam ek hī ḳhayāl

hotā hai sab ke saath yahī sab shurūa meñ

itne halāla-bāz agar ghaat meñ na hoñ

kyā aisā fāsla hai talāq-o-rujūa meñ

shāyad mirī namāz yahīñ ḳhatm ho ga.ī

ik umr ho ga.ī ki rukā huuñ rukūa meñ

mohmal sahī pa tāb-o-tavānā.ī dekhiye

us ain se jo aa.ī hai is āb-o-jūa meñ

urdu meñ to bas ek vuzū aur ik namāz

do do namāzeñ hotī haiñ arabī vuzūa meñ

asleñ tamām nāchtī gaatī guzar ga.iiñ

dekhā nahīñ kisī ne vafūr-e-furūa meñ

'ehsās' kyā hai ye 'zafar' 'iqbāl' kī tarah

tausī.a ain sher kī hadd-e-vuqūa meñ

na-qabil-e-yaqin tha agarche shurua mein

suraj magar ghurub hua tha tulua mein

mulla ko de diya hai namazon ka baqi kaam

KHud ko laga liya hai KHushu-o-KHuzua mein

sirf ek chehra ek hi nam ek hi KHayal

hota hai sab ke sath yahi sab shurua mein

itne halala-baz agar ghat mein na hon

kya aisa fasla hai talaq-o-rujua mein

shayad meri namaz yahin KHatm ho gai

ek umr ho gai ki ruka hun rukua mein

mohmal sahi pa tab-o-tawanai dekhiye

us ain se jo aai hai is aab-o-jua mein

urdu mein to bas ek wuzu aur ek namaz

do do namazen hoti hain arabi wuzua mein

aslen tamam nachti gati guzar gain

dekha nahin kisi ne wafur-e-furua mein

'ehsas' kya hai ye 'zafar' 'iqbaal' ki tarah

tausia ain sher ki hadd-e-wuqua mein