na-rawa kahiye na-saza kahiye
nā-ravā kahiye nā-sazā kahiye
kahiye kahiye mujhe burā kahiye
phir na rukiye jo mudda.ā kahiye
ek ke baa'd dūsrā kahiye
aap ab merā muñh na khulvā.eñ
ye na kahiye ki mudda.ā kahiye
vo bhī sun leñge ye kabhī na kabhī
hāl-e-dil sab se jā-ba-jā kahiye
mujh ko kahiye burā na ġhair ke saath
jo ho kahnā judā judā kahiye
haath rakh kar vo apne kānoñ par
mujh se kahte haiñ mājrā kahiye
hosh jaate rahe raqīboñ ke
'dāġh' ko aur bā-vafā kahiye
na-rawa kahiye na-saza kahiye
kahiye kahiye mujhe bura kahiye
phir na rukiye jo muddaa kahiye
ek ke ba'd dusra kahiye
aap ab mera munh na khulwaen
ye na kahiye ki muddaa kahiye
wo bhi sun lenge ye kabhi na kabhi
haal-e-dil sab se ja-ba-ja kahiye
mujh ko kahiye bura na ghair ke sath
jo ho kahna juda juda kahiye
hath rakh kar wo apne kanon par
mujh se kahte hain majra kahiye
hosh jate rahe raqibon ke
'dagh' ko aur ba-wafa kahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
