نا شناسی کا ہمیشہ غم رہا
نا شناسی کا ہمیشہ غم رہا
آئنہ بھی اپنا نامحرم رہا
آگ ہے اس پر ہے یہ بے شعلگی
اپنے جلنے کا عجب عالم رہا
سارے اونچے گھر ہوا کی زد میں تھے
میرا ملبہ تھا جو مستحکم رہا
میں بھی سیل آرزو میں بہہ گیا
وہ بھی غرق گرمیٔ شبنم رہا
ہم گرے بھی تو انا کے غار میں
ٹوٹتے پر بھی وہی دم خم رہا
اب ہے حالیؔ بے نیازی کا خلا
اب کہاں احساس بیش و کم رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
