nach ho rang ho ahbab ki mehmani ho

naach ho rang ho ahbāb kī mehmānī ho

ho ajab lutf jo laḌkoñ kī musalmānī ho

qorma zarda ho biryānī ho būrānī ho

hāñDī mauqūf ke takiye meñ ye dīvānī ho

tujh ko mā'lūm ho hāl-e-shab-e-furqat ai shaiḳh

ek din tujh se judā gar tirī shaiḳhānī ho

saḳht patthar hai tirā naaz but-e-sañgīn dil

vo uThā.e tire ġhamzoñ ko jo bandhānī ho

mere bistar ko saḌe TaaT kā TukḌā hove

tirī gaddī ke liye maḳhmal-e-kāshānī ho

sabz rangoñ kā zarā daur to aa.e zāhid

tū sahī bhang amāme meñ tire chhānī ho

ġham-zada ālam-e-tanhā.ī meñ ham baiThe haiñ

jaa.e kailāsh ke mele ko jo sailānī ho

aḌve bhaḌvan pe girī paḌtī ho kuchh sharm nahīñ

tum to nochī se sivā nā.ika mastānī ho

motiyābind huā jaatā hai āñkhoñ meñ yahāñ

ab bhī aa jaao jo sūrat tumheñ dikhlānī ho

qatl-e-āshiq ke sivā aur koī kaam nahīñ

tum bhī changez ho yā nādir-e-durrānī ho

mehr ne sun ke ye ash.ār 'ināyat' se kahā

tum 'nizāmī' ho ki 'sādī' ho ki 'ḳhāqānī' ho

nach ho rang ho ahbab ki mehmani ho

ho ajab lutf jo laDkon ki musalmani ho

qorma zarda ho biryani ho burani ho

hanDi mauquf ke takiye mein ye diwani ho

tujh ko ma'lum ho haal-e-shab-e-furqat ai shaiKH

ek din tujh se juda gar teri shaiKHani ho

saKHt patthar hai tera naz but-e-sangin dil

wo uThae tere ghamzon ko jo bandhani ho

mere bistar ko saDe TaT ka TukDa howe

teri gaddi ke liye maKHmal-e-kashani ho

sabz rangon ka zara daur to aae zahid

tu sahi bhang amame mein tere chhani ho

gham-zada aalam-e-tanhai mein hum baiThe hain

jae kailash ke mele ko jo sailani ho

aDwe bhaDwan pe giri paDti ho kuchh sharm nahin

tum to nochi se siwa naika mastani ho

motiyabind hua jata hai aankhon mein yahan

ab bhi aa jao jo surat tumhein dikhlani ho

qatl-e-ashiq ke siwa aur koi kaam nahin

tum bhi changez ho ya nadir-e-durrani ho

mehr ne sun ke ye ashaar 'inayat' se kaha

tum 'nizami' ho ki 'sadi' ho ki 'KHaqani' ho