nakaam meri koshish-e-zabt-e-alam nahin

nākām merī koshish-e-zabt-e-alam nahīñ

yuuñ mutma.in huuñ jaise mujhe koī ġham nahīñ

tārīkiyoñ meñ aaj bhī gum hai vo rahguzar

jis ko nasīb aap ke naqsh-e-qadam nahīñ

is daur meñ ki jis meñ hai jins-e-vafā kā qaht

ham se vafā-shi.ār jo baaqī haiñ kam nahīñ

tere sivā kisī se ujāloñ kī bhiik le

kam-zarf is qadar to mirī shām-e-ġham nahīñ

bikhre hue se 'rāhī' ye aurāq-e-zindagī

apnī hayāt zulf-e-pareshāñ se kam nahīñ

nakaam meri koshish-e-zabt-e-alam nahin

yun mutmain hun jaise mujhe koi gham nahin

tarikiyon mein aaj bhi gum hai wo rahguzar

jis ko nasib aap ke naqsh-e-qadam nahin

is daur mein ki jis mein hai jins-e-wafa ka qaht

hum se wafa-shiar jo baqi hain kam nahin

tere siwa kisi se ujalon ki bhik le

kam-zarf is qadar to meri sham-e-gham nahin

bikhre hue se 'rahi' ye auraq-e-zindagi

apni hayat zulf-e-pareshan se kam nahin