nala-bar-lab haram se nikalna paDa

nāla-bar-lab haram se nikalnā paḌā

ik duā maañg kar haath malnā paḌā

rahguzar meñ na thā āshnā koī shaḳhs

phir bhī har shaḳhs ke saath chalnā paḌā

kaisī shabnam kahāñ ke nasīm-o-sahāb

apne sho.ale meñ har gul ko jalnā paḌā

ādatan ḳhizar ke saath duniyā chalī

fitratan ham ko aage nikalnā paḌā

chalte chalte jahāñ 'shor' ham ruk ga.e

apnā ruḳh hādsoñ ko badalnā paḌā

nala-bar-lab haram se nikalna paDa

ek dua mang kar hath malna paDa

rahguzar mein na tha aashna koi shaKHs

phir bhi har shaKHs ke sath chalna paDa

kaisi shabnam kahan ke nasim-o-sahab

apne shoale mein har gul ko jalna paDa

aadatan KHizar ke sath duniya chali

fitratan hum ko aage nikalna paDa

chalte chalte jahan 'shor' hum ruk gae

apna ruKH hadson ko badalna paDa