nala-e-subh ke baghair giriya-e-sham ke baghair

nāla-e-sub.h ke baġhair giriya-e-shām ke baġhair

hotā nahīñ visāl-e-yār soz-e-davām ke baġhair

tū ne agar kiyā na yaad shaq rahegā nā-murād

kaise kaTegī zindagī tere payām ke baġhair

hai ye mirā hī hausla kartā huuñ roz sāmnā

gardish-e-sub.h-o-shām kā gardish-e-jām ke baġhair

arsa huā vo fitnagar aayā nahīñ kabhī idhar

suunī paḌī hai rah-guzar husn-e-ḳhirām ke baġhair

kaif-e-nashāt dam-ba-dam chūmtā hai mire qadam

chaltā nahīñ huuñ ek gaam aap ke naam ke baġhair

jab bhī mile vo nā-gahāñ jhuum uThe haiñ qalb o jaañ

milne meñ lutf hai agar milnā ho kaam ke baġhair

mere junūñ ke faiz se garmi-e-shauq aa ga.ī

sard thī mahfil-e-tarab mere kalām ke baġhair

nala-e-subh ke baghair giriya-e-sham ke baghair

hota nahin visal-e-yar soz-e-dawam ke baghair

tu ne agar kiya na yaad shaq rahega na-murad

kaise kaTegi zindagi tere payam ke baghair

hai ye mera hi hausla karta hun roz samna

gardish-e-subh-o-sham ka gardish-e-jam ke baghair

arsa hua wo fitnagar aaya nahin kabhi idhar

suni paDi hai rah-guzar husn-e-KHiram ke baghair

kaif-e-nashat dam-ba-dam chumta hai mere qadam

chalta nahin hun ek gam aap ke nam ke baghair

jab bhi mile wo na-gahan jhum uThe hain qalb o jaan

milne mein lutf hai agar milna ho kaam ke baghair

mere junun ke faiz se garmi-e-shauq aa gai

sard thi mahfil-e-tarab mere kalam ke baghair