nale mein kabhi asar na aaya
naale meñ kabhī asar na aayā
is naḳhl meñ kuchh samar na aayā
allāh-rī merī be-qarārī
chain un ko bhī raat bhar na aayā
kahtā huuñ ki aa hī jā.egā sabr
ye fikr bhī hai agar na aayā
ġhaflat ke paḌe hue the parde
vo paas rahā nazar na aayā
āñkhoñ se huā jo koī ojhal
'beḳhud' mujhe kuchh nazar na aayā
nale mein kabhi asar na aaya
is naKHl mein kuchh samar na aaya
allah-ri meri be-qarari
chain un ko bhi raat bhar na aaya
kahta hun ki aa hi jaega sabr
ye fikr bhi hai agar na aaya
ghaflat ke paDe hue the parde
wo pas raha nazar na aaya
aankhon se hua jo koi ojhal
'beKHud' mujhe kuchh nazar na aaya
- Book : Intekhab-e-Sukhan(Jild-2) (Pg. 183)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
