nam itna bhi kisi ka na uchhaala jae

naam itnā bhī kisī kā na uchhālā jaa.e

ranj-o-ġham bhī jo sañbhāle na sañbhālā jaa.e

chāhtā huuñ ki mire aag meñ jalte ghar kā

mere dushman ke sahan tak bhī ujālā jaa.e

dekh kar ham ko guzarte haiñ vo aise jaise

raah par pasre faqīroñ ko jo Taalā jaa.e

terī duniyā se na lenā hai na denā kuchh bhī

terī duniyā meñ tirā chāhne vaalā jaa.e

sochtā huuñ ki use bhuul hī jā.ūñ āḳhir

kaise batlā.ūñ mujhe dard ko paalā jaa.e

nam itna bhi kisi ka na uchhaala jae

ranj-o-gham bhi jo sanbhaale na sanbhaala jae

chahta hun ki mere aag mein jalte ghar ka

mere dushman ke sahan tak bhi ujala jae

dekh kar hum ko guzarte hain wo aise jaise

rah par pasre faqiron ko jo Tala jae

teri duniya se na lena hai na dena kuchh bhi

teri duniya mein tera chahne wala jae

sochta hun ki use bhul hi jaun aaKHir

kaise batlaun mujhe dard ko pala jae