nam KHushbu tha sarapa bhi ghazal jaisa tha
naam ḳhushbū thā sarāpā bhī ġhazal jaisā thā
chāñd se chehre pe parda bhī ġhazal jaisā thā
saare alfāz ġhazal jaise the guftār ke vaqt
rañg-e-iz.hār-e-tamannā bhī ġhazal jaisā thā
phuul hī phuul the kaliyāñ thiiñ hasīñ galiyāñ thiiñ
aap ke ghar kā vo rasta bhī ġhazal jaisā thā
us kī āñkheñ bhī hasīñ aañkh meñ aañsū bhī hasīñ
ġham meñ Duubā huā chehra bhī ġhazal jaisā thā
vo javānī vo mohabbat vo sharārat kā nasha
vo mirī umr kā hissa bhī ġhazal jaisā thā
fāsle the na judā.ī thī na tanhā.ī thī
terī qurbat kā vo lamha bhī ġhazal jaisā thā
vo na merā na maiñ us kā thā magar ai 'dānā'
dhuñdlā dhuñdlā sā vo rishta bhī ġhazal jaisā thā
nam KHushbu tha sarapa bhi ghazal jaisa tha
chand se chehre pe parda bhi ghazal jaisa tha
sare alfaz ghazal jaise the guftar ke waqt
rang-e-izhaar-e-tamanna bhi ghazal jaisa tha
phul hi phul the kaliyan thin hasin galiyan thin
aap ke ghar ka wo rasta bhi ghazal jaisa tha
us ki aankhen bhi hasin aankh mein aansu bhi hasin
gham mein Duba hua chehra bhi ghazal jaisa tha
wo jawani wo mohabbat wo shararat ka nasha
wo meri umr ka hissa bhi ghazal jaisa tha
fasle the na judai thi na tanhai thi
teri qurbat ka wo lamha bhi ghazal jaisa tha
wo na mera na main us ka tha magar ai 'dana'
dhundla dhundla sa wo rishta bhi ghazal jaisa tha
- Book : Fanoos (Pg. 76)
- Author : Abbas Dana
- Publication : Shahid Book Depot Stedum Road Noor Nagar Rakhyal Ahmdabad (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
