nam loge jo yan se jaane ka

naam loge jo yaañ se jaane kā

aap meñ phir nahīñ maiñ aane kā

ham ko tauf-e-haram meñ yaad aayā

laḌkhaḌānā sharāb-ḳhāne kā

dam le ai chashm-e-tar ki dekhūñ maiñ

aalam us gul ke muskurāne kā

dekh sakte nahīñ vo merā haal

kyā sabab kahiye muskurāne kā

dil-e-sad-chāk kī banā sūrat

zulf par dil gayā hai shāne kā

jalva is zid se vo dikhā deñge

ham ko da.avā hai taab laane kā

sun ke vo haal kahte hai 'taskīñ'

naam bhī kuchh hai is fasāne kā

nam loge jo yan se jaane ka

aap mein phir nahin main aane ka

hum ko tauf-e-haram mein yaad aaya

laDkhaDana sharab-KHane ka

dam le ai chashm-e-tar ki dekhun main

aalam us gul ke muskurane ka

dekh sakte nahin wo mera haal

kya sabab kahiye muskurane ka

dil-e-sad-chaak ki bana surat

zulf par dil gaya hai shane ka

jalwa is zid se wo dikha denge

hum ko dawa hai tab lane ka

sun ke wo haal kahte hai 'taskin'

nam bhi kuchh hai is fasane ka