nam rakkha hai fusun-gar ne suKHan-saz mera

naam rakkhā hai fusūñ-gar ne suḳhan-sāz mirā

ghoñTe detī hai galā ab mirī āvāz mirā

rah gayā raaz kisī tarah agar raaz mirā

be-niyāzī bhī uThā.egī tirī naaz mirā

aaj hai maut bhī vo ishq jo kal tak thā hayāt

muḳhtalif kitnā hai anjām se āġhāz mirā

be-piye mast huā pī ke maiñ bahkā na kabhī

vo thī saaqī kī karāmat pa hai e.ajāz mirā

nāvak-e-nāz se uḌte haiñ nishāne dil ke

aur parde meñ abhī hai qadar-andāz mirā

dhaḌkaneñ ab bhī haiñ vaisī hī shikasta dil kī

be-sadā ho na sakā TuuT ke bhī saaz mirā

uzr be-bāl-o-parī thā jo qafas toḌ chukā

dekh ke rah ga.ī muñh hasrat-e-parvāz mirā

roz ik taaza balā aatī hai dil ke hāthoñ

'jurm' āmāda hai dam lene pe dam-sāz mirā

nam rakkha hai fusun-gar ne suKHan-saz mera

ghonTe deti hai gala ab meri aawaz mera

rah gaya raaz kisi tarah agar raaz mera

be-niyazi bhi uThaegi teri naz mera

aaj hai maut bhi wo ishq jo kal tak tha hayat

muKHtalif kitna hai anjam se aaghaz mera

be-piye mast hua pi ke main bahka na kabhi

wo thi saqi ki karamat pa hai eajaz mera

nawak-e-naz se uDte hain nishane dil ke

aur parde mein abhi hai qadar-andaz mera

dhaDkanen ab bhi hain waisi hi shikasta dil ki

be-sada ho na saka TuT ke bhi saz mera

uzr be-baal-o-pari tha jo qafas toD chuka

dekh ke rah gai munh hasrat-e-parwaz mera

roz ek taza bala aati hai dil ke hathon

'jurm' aamada hai dam lene pe dam-saz mera