nam sun kar aankh mein ek rang bhar jata shahab

naam sun kar aañkh meñ ik rang bhar jaatā 'shahāb'

pāniyoñ par 'aks sā phir tair jaatā thā shahāb

us ke hoñToñ par tabassum mere sho'loñ kī tarah

jis ne mujh ko āsmāñ se TūTte dekhā shahāb

chauñk jaatā thā maiñ aksar dekh kar us shaḳhs ko

naam terā sun ke gahrā saañs jo letā shahāb

vo milā jab rāste meñ ajnabī ban kar milā

kaash merī ruuh ko pahchāntā merā shahāb

baat karte karte us ke lafz bhī rone lage

āñsuoñ meñ bhīgtā dekhā gayā lahja shahāb

thī sharāb-e-chashm hī mahñgī jahāñ 'āshiq ga.e

ḳhūn-e-dil bāzār meñ biktā rahā sastā shahāb

ham rahe pyāse hamārī soch bhī pyāsī rahī

ham jahāñ rahte the bahtā thā vahāñ dariyā shahāb

us ne merā haath pakḌā aur samjhāne lagā

maiñ ne dekhā to thā vo rasta tire ghar kā 'shahāb'

nam sun kar aankh mein ek rang bhar jata 'shahab'

paniyon par 'aks sa phir tair jata tha shahab

us ke honTon par tabassum mere sho'lon ki tarah

jis ne mujh ko aasman se TuTte dekha shahab

chaunk jata tha main aksar dekh kar us shaKHs ko

nam tera sun ke gahra sans jo leta shahab

wo mila jab raste mein ajnabi ban kar mila

kash meri ruh ko pahchanta mera shahab

baat karte karte us ke lafz bhi rone lage

aansuon mein bhigta dekha gaya lahja shahab

thi sharab-e-chashm hi mahngi jahan 'ashiq gae

KHun-e-dil bazar mein bikta raha sasta shahab

hum rahe pyase hamari soch bhi pyasi rahi

hum jahan rahte the bahta tha wahan dariya shahab

us ne mera hath pakDa aur samjhane laga

main ne dekha to tha wo rasta tere ghar ka 'shahab'