nama-bar kahta hai ab lata hun dilbar ka jawab
nāma-bar kahtā hai ab laatā huuñ dilbar kā javāb
sun chukā maiñ chaar din aage muqaddar kā javāb
shaiḳh hū-haq kar rahā hai rāt-din mastoñ ke saath
aaj kal hai mai-kada allāh ke ghar kā javāb
ḳhalq ke āmāl-nāme chhīn lūñgā shahr meñ
gum huā hai haath se qāsid ke dilbar kā javāb
ġhair kī tārīf likkhī saare ḳhat meñ aur mujhe
ye bhī likhte haiñ ki likkho mere daftar kā javāb
log kahte haiñ banā dillī bigaḌ kar lakhna.ū
par kahāñ ai 'dāġh' is ujḌe hue ghar kā javāb
nama-bar kahta hai ab lata hun dilbar ka jawab
sun chuka main chaar din aage muqaddar ka jawab
shaiKH hu-haq kar raha hai raat-din maston ke sath
aaj kal hai mai-kada allah ke ghar ka jawab
KHalq ke aamal-name chhin lunga shahr mein
gum hua hai hath se qasid ke dilbar ka jawab
ghair ki tarif likkhi sare KHat mein aur mujhe
ye bhi likhte hain ki likkho mere daftar ka jawab
log kahte hain bana dilli bigaD kar lakhnau
par kahan ai 'dagh' is ujDe hue ghar ka jawab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
