nama-e-gul mein kisi shoKH ki tahrir ka rang

nāma-e-gul meñ kisī shoḳh kī tahrīr kā rañg

dil-e-pur-ḳhūñ kī ubhartī huī tasvīr kā rañg

vo tahī-māya pashemān-e-vafā haiñ ham log

apnī taqrīr meñ jaadū hai na tahrīr kā rañg

sabz-dar-sabz daraḳhtoñ meñ chalā aag kā phaag

ujlā ujlā hai mire ḳhvāb kī ta.abīr kā rañg

qatl honā hai sar-e-shām-e-tamannā har roz

roz laanā hai na.ī sub.h kī tanvīr kā rañg

rañg detā hai kahīñ ā.ina-e-nām-o-numūd

ḳhuub khiltā hai kahīñ jauhar-e-tauqīr kā rañg

nama-e-gul mein kisi shoKH ki tahrir ka rang

dil-e-pur-KHun ki ubharti hui taswir ka rang

wo tahi-maya pasheman-e-wafa hain hum log

apni taqrir mein jadu hai na tahrir ka rang

sabz-dar-sabz daraKHton mein chala aag ka phag

ujla ujla hai mere KHwab ki tabir ka rang

qatl hona hai sar-e-sham-e-tamanna har roz

roz lana hai nai subh ki tanwir ka rang

rang deta hai kahin aaina-e-nam-o-numud

KHub khilta hai kahin jauhar-e-tauqir ka rang