namus-e-wafa ka pas raha shikwa bhi zaban tak la na sake

nāmūs-e-vafā kā paas rahā shikva bhī zabāñ tak lā na sake

andar se to ro.e TuuT ke ham par ek bhī ashk bahā na sake

sāhil to nazar aayā lekin tūfāñ meñ balā kī shiddat thī

maujoñ ko manāyā laakh magar ham jānib sāhil aa na sake

ham kahte kahte haar ga.e aur duniyā ne kuchh bhī na sunā

jab duniyā ne isrār kiyā ham apnā dard sunā na sake

kab ham ne gulistāñ chāhā thā kab ham ne bahāreñ māñgīñ thiiñ

ik gul kī tamannā thī ham ko vo bhī to chaman meñ pā na sake

namus-e-wafa ka pas raha shikwa bhi zaban tak la na sake

andar se to roe TuT ke hum par ek bhi ashk baha na sake

sahil to nazar aaya lekin tufan mein bala ki shiddat thi

maujon ko manaya lakh magar hum jaanib sahil aa na sake

hum kahte kahte haar gae aur duniya ne kuchh bhi na suna

jab duniya ne israr kiya hum apna dard suna na sake

kab hum ne gulistan chaha tha kab hum ne bahaaren mangin thin

ek gul ki tamanna thi hum ko wo bhi to chaman mein pa na sake