naw TuTi hui biphra hua dariya dekha

naav TuuTī huī biphrā huā dariyā dekhā

ahl-e-himmat ne magar phir bhī kinārā dekhā

garche har chiiz yahāñ ham ne burī hī dekhī

phir bhī kahnā paḌā jo dekhā so achchhā dekhā

diip se diip jalāne kī huī rasm tamām

ham ne insān kā insān se jalnā dekhā

jab se bachche ne khilaune se bahalnā chhoḌā

das baras meñ hī use tiis ke sin kā dekhā

rā.ij-ul-vaqt haiñ bāzār meñ khoTe sikke

jo khare haiñ unheñ hote hue rusvā dekhā

hosh meñ ā.eñge arbāb-e-vatan kab 'anjum'

maiñ ne har-gām pe kashmīr kā ḳhitta dekhā

naw TuTi hui biphra hua dariya dekha

ahl-e-himmat ne magar phir bhi kinara dekha

garche har chiz yahan hum ne buri hi dekhi

phir bhi kahna paDa jo dekha so achchha dekha

dip se dip jalane ki hui rasm tamam

hum ne insan ka insan se jalna dekha

jab se bachche ne khilaune se bahalna chhoDa

das baras mein hi use tis ke sin ka dekha

raij-ul-waqt hain bazar mein khoTe sikke

jo khare hain unhen hote hue ruswa dekha

hosh mein aaenge arbab-e-watan kab 'anjum'

main ne har-gam pe kashmir ka KHitta dekha