nawak kahen sinan kahen talwar kya kahen

nāvak kaheñ sināñ kaheñ talvār kyā kaheñ

tū hī batā tujhe nigah-e-yār kyā kaheñ

shikva na daam kā hai na sayyād kā gila

ham aap ho ga.e haiñ giraftār kyā kaheñ

iz.hār-e-hāl-e-zār kā aisoñ se fā.eda

āzār dil kā tujh se dil-āzār kyā kaheñ

karte haiñ vaa.iz aap mazammat sharāb kī

kahte haiñ kyā janāb ko mai-ḳhvār kyā kaheñ

aisoñ se tark-e-mai kā 'mubārak' savāl kyā

tauba kī tujh se rind-e-qadah-ḳhvār kyā kaheñ

nawak kahen sinan kahen talwar kya kahen

tu hi bata tujhe nigah-e-yar kya kahen

shikwa na dam ka hai na sayyaad ka gila

hum aap ho gae hain giraftar kya kahen

izhaar-e-haal-e-zar ka aison se faeda

aazar dil ka tujh se dil-azar kya kahen

karte hain waiz aap mazammat sharab ki

kahte hain kya janab ko mai-KHwar kya kahen

aison se tark-e-mai ka 'mubarak' sawal kya

tauba ki tujh se rind-e-qadah-KHwar kya kahen